Dövlət qurumu 2,5 milyona psixotrop və narkoz dərmanları alacaq

“Səhiyyənin Təminat Mərkəzi” publik hüquqi şəxsi psixotrop və narkoz dərman vasitələrinin satın alacaq.

Valyuta.az xəbər verir ki, bununla bağlı elan olunmuş tenderin qalibi müəyyənləşib.

Belə ki, satınalma üzrə qalib şirkət “Azərtibbtəchizat” MMC olub və qeyd olunan iş bu şirkətə həvalə edilib. Müqavilənin ümumi dəyəri 2 milyon 495 min 956,19 manat təşkil edir.

Məlumata görə, qalib şirkətin qanuni təmsilçisi İbrahim Rzabəyov İdris oğludur.

Qeyd edək ki, “Azərtibbtəchizat” MMC 2006-cı ildə dövlət qeydiyyatına alınıb. Şirkətin nizamnamə kapitalı 50 manatdır.

Sərvanə Rəmixanova