Fındıq ixracından əldə olunan gəlir 2 dəfə artıb

Bu ilin yanvar-fevral aylarında Azərbaycan 57,4 milyon ABŞ dolları dəyərində meşə fındığı ixrac edib.

Valyuta.az xəbər verir ki, bu barədə İqtisadi İslahatların Təhlili və Kommunikasiya Mərkəzi məlumat yayıb.

Hesabat dövründə ixracın dəyəri ötən ilin eyni dövrü ilə müqayisədə 29,5 milyon ABŞ dolları və ya təxminən 2 dəfə artıb. Qeyd edək ki, 2025-ci ilin yanvar-fevral aylarında bu göstərici 27,9 milyon ABŞ dolları təşkil edib.

Xatırladaq ki, cari ilin yanvar-fevral aylarında Azərbaycanın qeyri-neft sektoru üzrə ixracı ötən ilin müvafiq dövrü ilə müqayisədə 19,7 % və ya 95,5 milyon ABŞ dolları artaraq 580,7 milyon ABŞ dollarına çatıb.

Tənzilə Ağabalayeva