Finlandiyaya köçməyin yolu: biznesin 30%-nə şərik olmaq

Bir çox insanın arzusu xaricə açılmaq və başqa ölkədə biznes qurmaqdır. Lakin hər ölkənin öz qaydaları və prosedurları olduğuna görə bu proses bəzən çətin görünə bilər.

Valyuta.az xəbər verir ki, rəqəmsal marketinq meneceri Tural Nəsirov Finlandiyaya köçmək və orada biznes qurmağın mümkün yolları barədə danışıb.

Onun sözlərinə görə, Finlandiyaya köçmək üçün mütləq hansısa şirkətdə işləmək və ya iş dəvəti almaq şərt deyil. Bu ölkədə sahibkarlıq vizası vasitəsilə də yaşamaq imkanı əldə etmək mümkündür.

T. Nəsirov bildirir ki, bu sistemə əsasən Finlandiyada fəaliyyət göstərən bir biznesin təxminən 30 faizinə şərik olmaqla qanunvericilik baxımından biznes sahibi statusu əldə etmək mümkündür. Bu halda sahibkara və onun ailə üzvlərinə 2 illik oturum icazəsi verilir və sonradan bu müddəti uzatmaq mümkündür.

Belə biznes modelində aylıq təxminən 2000-3000 avro gəlir payı əldə etmək də mümkündür. Bundan əlavə, ailə üzvləri də ölkəyə köçə bilir, uşaqlar isə pulsuz məktəb və bağçalarda təhsil ala bilirlər", - deyə o əlavə edib.

T. Nəsirov qeyd edir ki, bu imkanlar sahibkarlara Avropa standartlarına uyğun biznes qurmaq və eyni zamanda ailə ilə birlikdə Finlandiyada yaşamaq imkanı yaradır.

Sərvanə Rəmixanova