Həyat sığortası üzrə ödənişlər 44% artıb

Bu ilin yanvar–fevral aylarında Azərbaycanda həyat sığortası növləri üzrə 118 milyon 308 min manat sığorta haqqı toplanıb.

Valyuta.az xəbər verir ki, bu göstərici 2025-ci ilin eyni dövrü ilə müqayisədə 7,46% və ya 8 milyon 218 min manat çoxdur.

Hesabat dövründə həyat sığortası növləri üzrə ödənişlər 44,35% və ya 30 milyon 957 min manat artaraq 100 milyon 751 min manata çatıb.

Beləliklə, yanvar–fevral aylarında həyat sığortası bazarında toplanmış hər 100 manat sığorta haqqının 85,16 manatı müştərilərə geri ödənilib. Bu göstərici ötən ilin eyni dövründə 63,39 manat təşkil edib.

Qeyd edək ki, 2025-ci ilin yanvar–fevral aylarında Azərbaycanda həyat sığortası növləri üzrə 110 milyon 90 min manat sığorta haqqı toplanıb, 69 milyon 794 min manat sığorta ödənişi həyata keçirilib.

Tənzilə Ağabalayeva