"Instagram" ödənişli funksiyalar təqdim edəcək - QİYMƏT

"Meta" “Instagram” üçün “Instagram Plus” adlı ödənişli abunə modelini sınaqdan keçirir.

Valyuta.az xəbər verir ki, bu xidmət istifadəçilərə əlavə funksiyalar təqdim edəcək.

Abunə ilə istifadəçilər “Story”lərə gizli baxa, baxış statistikasını görə və paylaşımları fərqli auditoriyalara bölə biləcəklər. Həmçinin “Story”nin müddətini uzatmaq və ön plana çıxarmaq imkanı olacaq.

Qeyd edək ki, xidmət hazırda bir neçə ölkədə test edilir və aylıq qiyməti təxminən 1-2 dollar təşkil edir.

Maraqlıdır ki, bu model daha çox adi istifadəçilər üçün nəzərdə tutulub və "Meta Verified"dən fərqlənir.

Eyni zamanda, sosial şəbəkələrdə ödənişli xidmətlərə maraq artsa da, bəzi istifadəçilər artıq çoxsaylı abunələrə görə narazılıq ifadə edir.

Sərvanə Rəmixanova