İri sahibkarlığa verilən kreditlər 61.6 milyon manat artıb

2026-cı ilin 1 may tarixinə Azərbaycanda iri sahibkarlığa verilən kreditlərin həcmi 8 milyard 460.7 milyon manat təşkil edib.

Valyuta.az xəbər verir ki, bu göstərici 2025-ci ilin eyni dövrü ilə müqayisədə 61.6 milyon manat və ya 0.73% artıb.

Belə ki, 2025-ci ilin 1 may tarixinə iri sahibkarlığa ayrılan kreditlərin həcmi 8 milyard 399.1 milyon manat olub.

Eyni zamanda, ümumi biznes kreditlərinin həcmi də illik müqayisədə artım göstərib. 2026-cı ilin 1 may tarixinə biznes kreditlərinin ümumi məbləği 16 milyard 312.6 milyon manat olub. Halbuki, 2025-ci ilin 1 may tarixinə bu göstərici 14 milyard 952.7 milyon manat təşkil edib.

Bir il ərzində biznes kreditləri 1 milyard 359.9 milyon manat və ya 9.09% artıb.

Mayya Hüseynova