“Meqa Sığorta"nın gəlirlərində azalma müşahidə olunub

“Meqa Sığorta" ASC-də əməliyyat gəlirləri azalıb.

Valyuta.az xəbər verir ki, "Meqa Sığorta" ASC-nin maliyyə hesabatına əsasən, şirkət 2025-ci ili 3 221 572,50 manat xalis mənfəətlə başa vurub.

Müqayisə üçün qeyd edək ki, 2024-cü ildə şirkətin xalis mənfəəti 2 723 848,97 manat olub. Bu isə illik müqayisədə 18,3% artım deməkdir.

Hesabat dövründə şirkətin əsas əməliyyat gəlirlərində azalma qeydə alınıb. Belə ki, 2025-ci ildə əsas əməliyyat gəlirləri 33 208 894,64 manat təşkil edib ki, bu da əvvəlki illə müqayisədə 10,0% azalma deməkdir.

2024-cü ildə isə bu göstərici 36 911 055,52 manat olub.

Bununla yanaşı, şirkətin əsas əməliyyat xərclərində də azalma müşahidə olunub. 2025-ci ildə əsas əməliyyat xərcləri əvvəlki illə müqayisədə 5,9% azalaraq 19 960 165,22 manat təşkil edib.

2024-cü ildə isə şirkətin əsas əməliyyat xərcləri 21 202 919,26 manat olub.

Tənzilə Ağabalayeva