Şəkər ixracı ölkəyə 13 milyon dollardan çox qazandırıb

Bu ilin yanvar-fevral aylarında Azərbaycandan 20,3 min ton şəkər ixrac olunub.

Valyuta.az xəbər verir ki, ixracın ümumi dəyəri isə 13,5 milyon ABŞ dolları təşkil edib.

Ötən ilin eyni dövrü ilə müqayisədə şəkər ixracında artım qeydə alınıb. Belə ki, ixracın dəyəri 4,3 dəfə artaraq 10,4 milyon ABŞ dolları, həcm isə 15,7 min ton və ya 4,4 dəfə artıb.

Hesabat dövründə şəkər ixracı ümumi məhsul ixracında 0,37%, qeyri-neft sektoru üzrə ixracda isə 2,33% paya malik olub.

Mayya Hüseynova