Turistlər Azərbaycanda ən çox nəyə pul xərcləyir?

Bu ilin yanvar-fevral aylarında turizm məqsədilə Azərbaycana səfər etmiş əcnəbilərin və vətəndaşlığı olmayan şəxslərin turizm məqsədilə çəkdikləri xərclər 368 milyon 403,5 min manat olub.   

Valyuta.az rəsmi mənbələrə istinadən xəbər verir ki, bu dövrdə turistlərin ən böyük pulu - 170 milyon 262,5 min manatı nəqliyyat xərclərinə sərf edib.   

Bundan başqa, yerləşməyə 67 milyon 355,0 min manat, qidalanmaya 70 milyon 470,3 min manat, mədəniyyət sahəsinə 1 milyon 914,8 min manat, turizm zərfinin alınmasına 161,2 min manat xərclənib.