“Unibank”ın milyonlarla manatlıq faiz gəlirinin əsas mənbələri - Rəqəmlər

“Unibank” 2026-cı ilin birinci rübündə faiz gəlirlərini artırıb. Bankın maliyyə hesabatına əsasən, faiz gəlirləri illik müqayisədə 58 milyon 26 min manatdan 69 milyon 578 min manata yüksələrək 19,9% artıb.

Valyuta.az xəbər verir ki, hesabat dövründə faiz gəlirlərinin əsas hissəsi müştərilərə verilmiş kreditlərdən formalaşıb.

Bu istiqamətdən əldə olunan gəlir 65 milyon 334 min manat təşkil edib. Bu isə ötən ilin eyni dövrü ilə müqayisədə 9 milyon 719 min manat və ya 17,5% çoxdur. 2025-ci ilin birinci rübündə həmin göstərici 55 milyon 615 min manat olub.

Banklar və digər maliyyə institutlarına verilən kreditlər üzrə faiz gəlirləri illik müqayisədə 123 min manatdan 268 min manata yüksəlib. 

“Unibank”ın banklar və digər maliyyə institutlarındakı depozitlər üzrə faiz gəlirləri də əhəmiyyətli artım göstərib. Bu gəlirlər 287 min manatdan 1 milyon 364 min manata çataraq təxminən 4,8 dəfə yüksəlib.

Ticarət və investisiya qiymətli kağızları üzrə faiz gəlirləri isə 1 milyon 15 min manatdan 1 milyon 269 min manata yüksəlib ki, bu da illik müqayisədə 25,1% artım deməkdir.

Digər faiz gəlirləri də 35,9% artaraq 987 min manatdan 1 milyon 342 min manata çatıb. 

Mayya Hüseynova