"ABB"nin gəlir gətirən vəsaitləri 19 milyon manat azalıb

“ABB”nin 2026-cı ilin birinci rübü üzrə maliyyə hesabatına əsasən, bankın aktivləri illik müqayisədə azalıb.

Valyuta.az xəbər verir ki, hesabat dövründə bankın ümumi aktivləri 14 milyard 310,7 milyon manat təşkil edib.

Bu göstərici 2025-ci ilin eyni dövründəki 14 milyard 329,6 milyon manatla müqayisədə 18,9 milyon manat və ya 0,1% azdır.

Aktivlərin strukturunda azalma nağd pul vəsaitləri və ekvivalentləri üzrə qeydə alınıb. Nağd pul vəsaitləri və ekvivalentləri 3 milyard 536 milyon manatdan 3 milyard 212 milyon manata enib. Ticarət və investisiya qiymətli kağızları da 3 milyard 339 milyon manatdan 2 milyard 932 milyon manata düşüb.

Digər tərəfdən, banklar və digər maliyyə institutlarındakı depozitlər 664,6 milyon manatdan 612,3 milyon manata azalıb. Bu istiqamətdə verilən kreditlər də 21,7 milyon manatdan 16,4 milyon manata azalıb.

Mayya Hüseynova