“AccessBank” 69,5 milyonluq faiz gəlirini nələrdən əldə edib?

"AccessBank" 2026-cı ilin I rübündə 69 milyon 456 min manat faiz gəliri əldə edib.

Valyuta.az xəbər verir ki, bankın faiz gəlirləri illik müqayisədə 10 milyon 473 min manat və ya 17,8% artıb.

2025-ci ilin eyni dövründə bu göstərici 58 milyon 983 min manat səviyyəsində olub.

Hesabat dövründə bankın faiz gəlirlərinin əsas hissəsi müştərilərə verilmiş kreditlər hesabına formalaşıb. Bu istiqamətdən daxilolmalar 2026-cı ilin ilk rübündə 65 milyon 874 min manat təşkil edib. 2025-ci ilin müvafiq dövründəki 56 milyon 347 min manat ilə müqayisədə 9 milyon 527 min manat və ya 16,9% artım olub.

Banklar və digər maliyyə institutlarına verilən kreditlər üzrə faiz gəlirləri 2026-cı ilin I rübündə 1 milyon 349 min manata çatıb. Ötən ilin eyni dövründə bu göstərici 1 milyon 225 min manat olub. Bu isə illik müqayisədə 124 min manat və ya 10,1% çoxdur.

Banklar və digər maliyyə institutlarındakı depozitlərdən əldə olunan faiz gəlirləri isə 2026-cı ilin ilk rübündə 1 milyon 453 min manat olub. 2025-ci ilin eyni dövründə bank bu istiqamətdən 332 min manat gəlir əldə etmişdi. 

Eyni zamanda, ticarət və investisiya qiymətli kağızları üzrə faiz gəlirləri azalıb. Bu sahədən əldə olunan gəlir 2026-cı ilin I rübündə 780 min manat təşkil edib. Halbuki, 2025-ci ilin müvafiq dövründə göstərici 1 milyon 79 min manat idi. Bu da illik müqayisədə 299 min manat və ya 27,7% azalma deməkdir.

Mayya Hüseynova